тізе бүгу

(Капитуляция)

қарулы күштердің немесе олардың бөлімдерінің соғыс қимылдары аймағы мен аудандарында, қамалдарында, бекіністі немесе елді мекендерде, теңізде және теңіз базаларында және т.б. жерлерде жеңуші жақ шарттарына мойын ұсынуы, немесе екі жақ қолбасшыларының өзара келісуіне сәйкес қарсылығын тоқтатуы, тізе бүгуі. Т.б. кезінде барлық қару-жарақ, соғыс кемелері мен ұшақтары, қамалдар мен бекіністі мекендер, соғыс жабдықтары жеңушінің қолына өтіп, әскер күші тұтқынға алынады. Т.б. актіге қол қою арқылы жүзеге асырылады. Мыс., фашистік Германия 1945 ж. 8 мамырда, империалистік Жапония 1945 ж. 2 қыркүйекте сөзсіз Т.б. жөніндегі актіге қол қойды. Егер қандай да бір үкімет агрессордың алдында Т.б. арқылы күресуші мемлекеттер мен халықтардың жеңіске жетуін қиындатса, онда ондай тізе бүгу заңды болып саналмайды және халықты оның шарттарын сақтауға міндеттемейді. Қала гарнизонының, әскери бөлімдердің, құрамалар мен бірлес-тіктердің тізе бүгуі мемлекет атынан саяси міндеттер жүктемейді — бұл жеке тізе бүгу.